ຊົມເຊີຍວັນສ້າງຕັ້ງ ພັກປະຊາຊົນປະຕິວັດລາວ ຄົບຮອບ 62 ປີ                                                                                                                                                                                                                  ຍິນດີຕ້ອນຮັບເຂົ້າສູ່ເວັບໄຊສ໌ຂອງຄະນະໂຄສະນາອົບຮົມແຂວງໄຊຍະບູລີ                                                                                                                        

ຄະນະໂຄສະນາອົບຮົມແຂວງ ໄຊຍະບູລີ

ເມືອງພຽງ ແຂວງໄຊຍະບູລີ ປາຖະກະຖາ 2 ວັນປະຫວັດສາດ ວັນເຊັນສົນທິສັນຍາມິດຕະພາບ-ການຮ່ວມມື ຄົບຮອບ 45 ປີ ແລະ ການສ້າງຕັ້ງສາຍພົວພັນການທູດລາວ-ຫວຽດນາມ ຄົບຮອບ 60 ປີ.

……………………………..

ວັນທີ 13 ມິຖຸນາ 2022 ເມືອງພຽງ ແຂວງໄຊຍະບູລີ. ໄດ້ຈັດພິທີປາຖະກະຖາ 2 ວັນປະຫວັດສາດການສ້າງຕັ້ງສາຍພົວພັນການທູດລາວ-ຫວຽດນາມ ຄົບຮອບ 60 ປີ( 5/9/1962-5/9/2022) ແລະ ວັນເຊັນສົນທິສັນຍາມິດຕະພາບລາວ-ຫວຽດນາມ ຄົບຮອບ 45 ປີ( 18/7/1977-18/7/2022) ຢູ່ທີ່ຫ້ອງປະຊຸມຂອງເມືອງ ໂດຍການເປັນກຽດເຂົ້າຮ່ວມແລະໃຫ້ກຽດປາຖະກະຖາຂອງທ່ານ ປອ ສົມລິດ ເປືອກແກ້ວ ອາດີດຮອງເລຂາພັກແຂວງ ,ອາດີດປະທານສະພາປະຊາຊົນແຂວງໄຊຍະບູລີ. ມີທ່ານ ເສີດ ແສງສຸລິນ ກຳມະການພັກແຂວງ ເລຂາພັກເມືອງ ເຈົ້າເມືອງໆພຽງ.ມີບັນດາຮອງເລຂາພັກເມືອງ,ຄະນະປະຈຳພັກເມືອງ,ກຳມະການພັກເມືອງ,ຫົວໜ້າ,ຮອງຫົວໜ້າຫ້ອງການ,ພະນັກງານອາວຸໂສບຳນານ  , ອົງການ, ກົມກອງ, ວິສາຫະກິດ, ພະນັກງານ, ທະຫານ, ຕໍາຫຼວດ ເຂົ້າຮ່ວມ.

ພິທີໃນຄັ້ງນີ້ທ່ານ ປອ ສົມລິດເປືອກແກ້ວ ອາດີດຮອງເລຂາພັກແຂວງ ,ອາດີດປະທານສະພາປະຊາຊົນແຂວງໄຊຍະບູລີໄດ້ ປາຖະກະຖາເລົ່າຄືນມູນເຊື້້ອ 2 ວັນປະຫວັດສາດທີສຳຄນຂອງຊາດຄື: ສ້າງຕັ້ງສາຍພົວພັນການທູດລາວ-ຫວຽດນາມ ຄົບຮອບ 60 ປີ.ວັນເຊັນສົນທິສັນຍາມິດຕະພາບລາວ-ຫວຽດນາມ ຄົບຮອບ 45 ປີ.ຕໍ່ພິທີເຊິ່ງທ່ານໄດ້ຍົກໃຫ້ເຫັນມູນເຊື້ອປະຫວັດສາດຂອງການພົວພັນ ການຮ່ວມມືລາວ-ຫວຽດນາມທີ່ສອງພັກ, ສອງລັດ ແລະ ປະຊາຊົນຂອງສອງຊາດ ລາວ-ຫວຽດນາມ ທີ່ເປັນເພື່ອນມິດຍຸດທະສາດຮ່ວມສະຕາກໍາທາງປະຫວັດສາດ ແລະ ຮ່ວມອຸດົມການເພື່ອກ້າວຂື້ນສັງຄົມນິຍົມ ພາຍໃຕ້ການນໍາພາຂອງຜູ້ນໍາສອງປະເທດ ທີ່ສະຫຼາດສ່ອງໃສເປັນຈິດໜຶ່ງໃຈດຽວກັນ ໃນການຕໍ່ສູ້ກູ້ຊາດຄຽງບ່າຄຽງໄລ່ ເພື່ອປົດປ່ອຍປະເທດຊາດ ຍາດເອົາເອກະລາດຈາກພວກຈັກກະພັດ ຜູ້ຮຸກຮານໃນແຕ່ລະໄລຍະ ຈົນສາມາດຍາດເອົາໄຊຊະນະ ແລະ ສະຖາປະນາປະເທດຂອງຕົນຂື້ນ ແລະ ພ້ອມກັນປົກປັກຮັກສາ ສ້າງສາພັດທະນາປະເທດຊາດ, ຍົກໃຫ້ເຫັນສາຍພົວພັນມິດຕະພາບ ສາມັກຄີແບບພິເສດ ແລະ ການຮ່ວມມືຮອບດ້ານ . ການປາຖະກາຖາໃນຄັ້ງນີ້ກໍ່ເພື່ອ ເປັນການໂຄສະນາສຶກສາອົບຮົມໃຫ້ພະນັກງານ, ລັດຖະກອນ , ທະຫານ, ຕຳຫຼວດ ແລະ ປະຊາຊົນບັນດາເຜົ່າ ໂດຍສະເພາະແມ່ນຄົນຮຸ່ນໜຸ່ມໃຫ້ມີຄວາມຮັບຮູ້ເຂົ້າໃຈທີ່ຖືກຕ້ອງ,ເລິກເຊີ່ງ,ໜັກແໜ້ນພ້ອມກັນສືບຕໍ່ປົກປັກຮັກສາ ແລະ ເສີມຂະຫຍາຍມູນເຊື້ອອັນດີງາມລະຫວ່າງສອງຊາດລາວ-ຫວຽດນາມເພື່ອປົກປັກຮັກສາໝາກຜົນຂອງການປະຕິວັດໄວ້ໃຫ້ໜັ້ນຄົງຍາວນານທັງເປັນເຈົ້າການຖະນຸຖະໜອມເພີ່ມພູນຄູນສ້າງມູນເຊື້ອດັ່ງກ່າວໃຫ້ຈະເລີນງອກງາມຍີ່ງຂື້ນພ້ອມກັນຈາລຶກເຖິງບຸນຄຸນ ແລະ ຄຸນງາມຄວາມດີຂອງພັກ-ລັດ ແລະ ປະຊາຊົນຫວຽມນາມອ້າຍນ້ອງທີ່ໄດ້ໃຫ້ການຊ່ວຍເຫຼືອອັນໃຫຍ່ຫຼວງ ແລະ ລ້ຳຄ່າໃນພາລະກິດປະຕິວັດແຫ່ງການປົກປັກຮັກສາ ແລະ ສ້າງສາພັດທະນາປະເທທດຊາດກໍ່ຄືການປະກອບສ່ວນຂອງປະຊາຊົນລາວບັນດາເຜົ່າເຂົ້າໃນການທ້ອນໂຮມປະເທດຫວຽດນາມໃຫ້ເປັນອັນໜື່ງອັນດຽວໃນເມື່ອກ່ອນແລະການປົກປັກຮັກສາສ້າງສາປະເທດຫວຽດນາມໃນປັດຈຸບັນ.ຖືເອົາປີ 2022ເປັນປີສາມັກຄີລາວ-ຫວຽດນາມໃຫ້ມີຄວາມເບີກບານມ່ວນຊື່ນ,ມີຂະບວນການຟົດຟື້ນ,ມີຊີວິດຊີວາແລະກາຍເປັນສັນຍາລັກແຫ່ງການພົວພັນມິດຕະພາບອັນຍິ່ງໃຫຍ່ຄວາມສາມັກຄີພິເສດແລະການຮ່ວມມືຮອບດ້ານຂອງສອງຊາດລາວ-ຫວຽດນາມໃຫ້ໝັ້ນຄົງທະນົງແກ່ນຕະຫຼອດໄປ. ແລະໃນພິທີໃນຄັ້ງນີ້ຍັງໄດ້ມີພິທີມອບບັດສະມາຊິກພັກສົມບູນໃຫ້ກັບບັນດາຄະນະພັກຮາກຖານແລະບັນດາໜ່ວຍພັກພາຍໃນເມືອງຕື່ມອີກໂດຍໃຫ້ກຽດມອບຂອງທ່ານ ທ່ານ ເສີດ ແສງສຸລິນ ກຳມະການພັກແຂວງ ເລຂາພັກເມືອງ ເຈົ້າເມືອງພຽງ. ພ້ອມທັງໄດ້ຮັບຊົມການສະແດງສິນລະປະວັນນະຄະດີຂອງນ້ອງນັກຮຽນຈາກໂຮງຮຽນ ມສ ມິດປະຊາ ເນື່ອງໃນພິທີປາຖະກະຖາ 2 ວັນສຳຄັນປະຫວັດສາດໃນຄັ້ງນີ້ຢ່າງມີບັນຍາກາດຟົດຟື້ນມ່ວນຊື່ນ.                     

              ໂດຍ: ແສງສຸດາກິ່ງສະຫວັດ.

 

ວີດີໂອ....

ເຊື່ອມຕໍ່ເວບໄຊສ໌

ເລກໂທ ສຸກເສີນ

ແຈ້ງໄຟໄໝ້:   1190
ຕຳຫຼວດ:       1191
ລົດໂຮງໝໍ:    1195
ໄຟຟ້າ:          1199
ນໍ້າປະປາ:      1169

 

ສະຖິຕິຜູ້ເຂົ້າຊົມ:

110352
ມື້ນີ້ມື້ນີ້18
ມື້ວານນີ້ມື້ວານນີ້42
ອາທິດນີ້ອາທິດນີ້79
ເດືອນນີ້ເດືອນນີ້79
ທັງໝົດທັງໝົດ110352